Këngëtarja Inida Gjata e njohur me emrin e Zhaku, ka zbuluar për herë të parë në Euronews Albania arsyen pse ka vendosur të jetojnë jashtë vendit tonë.
Gjata theksoi se arsyeja që e detyroi të braktiste Shqipërinë është se iu mbyllën të gjitha dyert nuk kishte asnjë derë të hapur për të vazhduar karrierën e saj.
Gjithashtu ajo i bëri thirrje shqiptarëve të pakënaqur që të mos ikin në vende të tjera por të zgjedhin Kosovën për një jetë më të mirë.
“Që në vitin 2000 kam marrë pjesë në aktivitetet kulturore. Unë ika nga Shqipëria jo se doja të ikja, ika se mua mi mbyllën të gjitha dyert. Kishte dy vjet që e mbaja burrin gjerman në Shqipëri, dhe ai mund të rrinte më shumë sepse ai është shumë i lumtur këtu. Por për fat të keq mua nuk mu krijuan mundësitë të vazhdoja jetën në Shqipëri dhe pastaj ika”-tha ajo.
